Түркістан облысының білім беру ұйымдарында жұмыс істеген 1473 күзетшінің еңбек шарты заңсыз бұзылған. Оның ішінде 934 күзетшіге тиісті өтемақы төленбеген. Бұл туралы облыстық прокуратура мәлімдеді. Білім және ғылым министрінің бұйрығымен білім беру мекемелері террористік тұрғыдан осал объектілерге өтуіне байланысты, оларды күзету жеке күзет агенттіктеріне берілген. Сол себепті, оған дейін жұмыс істеген күзетшілерге өтемақы төленбеген. Қолданылған шаралармен бір айдағы орташа жалақы мөлшерінде өтемақы төлемдері 115 млн теңге аударылды. Қазір бұл бағыттағы жұмыс облыс прокуратурасының бақылауында.