Түркістан облысында бір жыл ішінде 10 ауыл ауыз сумен қамтылды. Ал, 5 жылда 720 елді мекен тіршілік нәріне қол жеткізген. Жыл соңына дейін тағы 16 ауылдың су жүйелері жүргізіліп, ауыз су беріледі. Жалпы, облыс тұрғындарының 80 пайызы ауылдық жерде тұрады. Сондықтан елдімекендерді қажетті инфрақұрылыммен қамту – басты бағыттардың бірі. Мемлекет басшысының тапсырмасына сәйкес, 2025 жылға дейін облыс халқы 100 пайыз ауыз сумен қамтылуы керек. Осы бағытта Түркістан облысының әкімі Дархан Сатыбалды атқарылып жатқан жұмыстарды пысықтады.