Түркістан облысындағы Келес ауданында еліміздегі ең үлкен жылыжай кешенінің іргетасы қаланды. Аумағы 500 гектар болатын мегакешенде жылына 225 мың тонна қызанақ өсірілетін болады. Бұл жоба шетелдік инвесторлар мен жергілікті биліктің қолдауымен жүзеге асырылғалы жатыр. Өндірістік жылыжайдың капсуласын қою рәсімі өтті. Жоба толық жүзеге асқанда 8 мыңнан астам жергілікті тұрғын жұмыспен қамтылады деп жоспарланып отыр.