Түркістан облысында өткен жылы игерілмей жатқан 1 млн гектар жер мемлекетке қайтарылды. Ал биыл 330 мың гектар жерді мемлекет меншігіне қайтару жоспарда бар. Елімізде «AMANAT» партиясының бастамасымен «Жер аманаты» жобасы арқылы игерусіз жатқан жерлердің мәселесін шешу жұмыстары жүргізілуде. Жоба бойынша қайтарылған жерлер, жергілікті жердегі әкімдіктерге беріледі. Олар тиісінше ауыл маңында мал шаруашылығымен айналысатын отбасыларды жайылымдық жермен қамтамасыз етеді. Жалпы облыста 11 миллион 608 гектар жер бар. Оның ішінде 8 миллион 864 мың гектары жайылымдық жер.