Түркістан облысында кедендегі кептеліс мәселесі шешілмек. Өйткені «Қазығұрт» шекара бекетінде жаңа ғимараттың құрылысы жүріп жатыр. Ондағы жұмыс барысымен облыс әкімі Дархан Сатыбалды танысты. 4,8 гектар жерде орналасқан ғимараттың құрылысы 2024 жылы аяқталмақ. Жобаның басты мақсаты – бекеттің қызметін жақсарту. Сонымен қатар кедендік рәсімдеу процедураларының уақыты қысқарады. Облыс әкімі нысандарды аралап, шекарадағы өткізу пункттері еліміздің аса маңызды нысандар қатарырда екенін атап өтті. «Қапланбек» өткізу бекетін жаңарту жұмыстарымен де танысқан облыс әкімі шекарашылармен, мердігерлермен кездесті. Қауіпсіздіктің қатаң сақталып, құрылыстың мерзімінде аяқталуын тапсырды.