Түркістан облысында көрсетілген мемлекеттік қызметтер сапасы артқан. Мәселен, облыс әкімдігінен көрсетілген мемлекеттік қызмет сапасы соңғы 4 жылда 57 баллдан 89 баллға дейінгі көрсеткішке жеткен. Ал, биылғы жылы 90 баллға жеткізу жоспарланып отыр. Бұл туралы Түркістан облысының әкімі Дархан Сатыбалдының төрағалығымен өткен аппарат отырысында айтылды. Сонымен қатар, мемлекеттік қызметтер есебі тыңдалып, кемшіліктер айтылды. Әрі өңір басшысы жергілікті атқарушы орган басшыларына бақылау жұмыстарын жүйелі ұйымдастырып, мемлекеттік қызметтерді сапалы әрі заңға сәйкес көрсету керектігін жеткізді.