Түркістан облысында шеттен әкелінген 43 тонна қызанақтан вирус табылды. Өнім Сарыағаш ауданындағы шекара бекетінде тексерілген. Елде жоқ өсімдік ауруы Түркіменстан, Өзбекстан және Иран елдерінен келген тауардан анықталып отыр. Фитосанитариялық бақылау мамандары жүргізген тексеріс нәтижесінде қызанақтардың қауіпті ауруға шалдыққаны белгілі болды. Мамандар томат өнімдерінен «қызанақ жемісінің қоңыр қатпарлы вирусы» мен «қызанақтың қола түстес тоспо вирустары» табылғанын айтады. Инспекциядағылардың мәліметінше, аталған аурулар соңғы үш жылда Еуропа, Азия және Америка, Иран, Өзбекстан, Түркіменстан елдерінде анықталған.