Түркістан облысында межеленген жоспарды орындай алмаған әкімдер сынға қалды. Облыс әкімі Дархан Сатыбалдының төрағалығымен өткен жиында өңірдің дамуы қорытындысы баяндалды. Жалпы, рейтингтік бағалау нәтижесі бойынша көш басында Отырар, Созақ аудандары және Арыс қаласы тұр. Аутсайдерлер – Жетісай, Сауран аудандары мен Кентау қаласы. Сондай-ақ өнеркәсіп өнімінің көлемі бойынша бекітілген межеге Түлкібас, Кентау қаласы қол жеткізбеген. Ал ауыл шаруашылығының жалпы өнімі көлемі бойынша жоспарды Сарыағаш, Ордабасы аудандары орындай алмапты. Құрылыс жұмыстары көлемі жағынан Мақтаарал, Сауран аудандары мен Түркістан қаласында жоспарлы межеге жетпей қалған.