Түркістан облысынан шет елге дизель отынын заңсыз тасымалдау азаймақ. Ол үшін Шекаралас аймақтарда энергетика бекеттері құрылды. Қазіргі таңда аталмыш нүктелер «Жібек жолы», «Қазығұрт», Келес ауданындағы - «Б. Қонысбаев», Мақтаарал ауданындағы «Сырдария», «Атамекен», «Целинный» өткізу пунктерінде жұмыс істеп тұр. Сондай-ақ облыстағы жанармай тапшылығын жасанды түрде тудырған жанармай бекеттерін тексеру үшін де арнайы жұмыс тобы құрылды.