Түркістан облысындағы жылыжай шаруашылығымен айналысатын кәсіпкерлерге жеткілікті қолдау жоқ. Мәжіліске Түркістан облысынан сайланған депутат Қайрат Балабиев шаруаларды алаңдатқан мәселеге қатысты Үкіметке депутаттық сауал жолдады. Халық қалаулысының айтуынша, өңірдегі жылыжайлардың 94 пайызы шаруалардың өз күшімен салынған. Сондықтан, шығынды тез өтеу үшін құрылысқа арзан материалдарды қолданады. Биыл қалың жауған қардың салдарынан біраз жылыжай қирап қалған болатын. Көмірдің тапшылығынан бүгін-ертең теремін деп отырған өнімдерін үсік шалып, шығынға батты. Қайрат Балабиевтың айтуынша, елімізде өткен жылдармен салыстырғанда жылыжайда қызанақ пен қияр өсіру 72 мың тонннаға төмендеп кеткен. Егер шаруаларға жеткілікті деңгейде көмек берілсе, сапалы жылыжай салып, елімізді көкөністермен толықтай қамтамасыз етуге болатын еді, - дейді депутат.
Жаңалықтар
