Түркістандық ғалымдар ғылыми конференция өткізді. Онда туризмді дамытуды жақсартып, туристер көптеп келу үшін қандай ұтымды әдістерді пайдаланған жөн екені талқыланды. Шараға еліміздегі ғалымдардан бөлек шетелдік профессорлар да қатысты. Әр маман өз ұсынысын айтып, шетелдік тәжірибеге сүйене отырып талқыға салды. Аталған шараны ғылым күніне орай халықаралық туризм және меймандостық университеті ұйымдастырған. Астанадан келіп өз баяндамасын жасаған ғалымның бірі 45 жылдық тәжірбиесі бар Орденбек Мазбаев. Ол гид қызметкерлерін даярлаудағы ерекше білім беру бағдарламасын ұсынып отыр. Егер осы тәсіл мақұлданса кез-келген шетелдік қонақтың тілін табатын білімді гидтерді дайындап шығамыз -дейді.