"Тыйым емес, қатаң бақылау керек". Астанада өткен баспасөз-мәслихатында «Байтақ» жасылдар партиясының төрағасы Азматхан Әміртаев осындай мәлімдеме жасады. Қоршаған орта мен табиғатты қорғауды басты назарда ұстайтын саяси топ тіпті қызды-қыздымен "Вейпке заң жүзінде тыйым салу керек дейтіндер - темекі өндірісіндегі ірі компаниялардың сойылын соғып жүргендер", - деп айтып қалды. Айтуларынша, біржақты тыйым қара нарыққа жол ашатынға ұқсайды, одан гөрі заң талабын күшейту экономикаға анағұрлым пайда әкелсе керек.