Шымкентте із-түзсіз жоғалған 15 жастағы қыз бес күннен бері табылмай жатыр. Сагидуллаева Анель Талғатқызы 30 желтоқсанда сағат 15:00 шамасында үйінен белгісіз бағытқа шығып кеткен. Полицияның дерегінше, ол туыстарымен жанжалдасып қалған көрінеді. Бұған дейін де кәмелетке толмаған қыз үйден 3 рет кетіп қалған, алайда полиция оны тауып, ата-анасына қайтарған. ШЫМКЕНТ қ. ПОЛИЦИЯ ДЕПАРТАМЕНТІ: Аталған жасөспірім қызды көрген-білген адамдар болса, тез арада 102 нөміріне немесе 8777-679-18-24 нөміріне хабарласуларыңызды сұраймыз. Р. Бақытжанқызы