20 ақпанда Қазақстанның жеті облысында дауылды ескерту жарияланды. Бұл туралы Stan.kz ақпарат агенттігі хабарлайды."Қазгидромет" баспасөз қызметінің мәліметінше, Батыс Қазақстан облысының батысында түнде тұман болады деп болжанады. Ұлытау облысының батысы мен оңтүстігінде шығыстан соғатын желдің екпіні 18 м/с болады. Күндіз Қарағанды облысының оңтүстігінде шығыстан жел соғады, солтүстік-шығыстан соғатын желдің екпіні 18 м/с болады. Түнде облыстың шығысында -35-38 қатты аяз сақталады. Қызылорда облысының орталығында және оңтүстігінде тұман. Облыс орталығында және шығысында солтүстік-шығыстан соғатын желдің күші 15-20 м/с. Абай облысында түнде 40 аяз болжанады. Түркістан облысының оңтүстігінде, батысында, таулы және тау бөктеріндегі аудандарында көктайғақ, тұман болжанады. Облыстың таулы аймақтарында жаңбыр жауады. Шығыс Қазақстан облысында түнде қатты аяз болып, ауа температурасы 45 градусқа дейін төмендейді. Өскеменде түнде қатты аяз 40 болады. Талдықорғанда түнде 33 градусқа дейін қатты аяз болжанады.
45 градус аяз: Қазақстанның 7 облысында ауа райына байланысты ескерту жарияланды
Жаңалықтар
