Ұлттық банк базалық мөлшерлемені 16,75 процент деңгейінде сақтап қалуға шешім қабылдады. Бұл туралы банк төрағасы Ғалымжан Пірматов айтты. Оның сөзінше, наурыз айында жылдық инфляция төмендеп, 18,1 пайызды көрсеткен. Алайда бұл инфляцияның тұрақты төмендеуін білдіреді деуге әлі ерте деді. Себебі оған әсер ететін ішкі және сыртқы факторлар сақталып отырғанын айтты. Айта кетейік, базалық мөлшерлемені қайта қарауды ұлттық банк мамыр айына жоспарлап отыр.Ғалымжан ПІРМАТОВ, ҚР ҰЛТТЫҚ БАНКІ ТӨРАҒАСЫ: Жанар-жағармай нарығында және тұрғын үй коммуналық-шаруашылық қызметтерінде баға белгілеудің мерзімі жеткен реформалары инфляциялық процестерге тікелей және жанама әсер ететін болады. Ал "7-20-25" бағдарламасын ұлттық банк ертерек тоқтату қажет деп есептейді. Себебі бағдарламада о бастан барлық қазақстандықты қамту көзделмеген. Ұлттық банк төрағасы Ғалымжан Пірматовтың айтуынша, жеңілдетілген ипотека бойынша басқа да бағдарламалар жетерлік. Еске салайық, аталмыш бағдарлама 2029 жылға дейін жоспарланған. Оған жылына 100 млрд теңге бөлінеді. Ғалымжан ПІРМАТОВ, ҚР ҰЛТТЫҚ БАНКІ ТӨРАҒАСЫ: Ұлттық банктің позициясы бұл программаны ертерек тоқтатқан дұрыс. Арзан ипотека алғысы келетін қазақстандықтарға басқа да программалар бар. "7-20-25" деген жалғыз ғана программа емес. Отбасы банкінде бірнеше программалар бар.
"7-20-25" бағдарламасын Ұлттық банк ертерек тоқтату қажет деп есептейді,-Ғ.Пірматов
Жаңалықтар
