Агроөнеркәсіп кешеніндегі қайта өңдеу өнімдерінің үлесін арттыру бойынша Шығыс Қазақстан облысында көшпелі отырыс өтті. Онда депутаттар ауыл шаруашылығы саласында нақты серпіліске жету үшін не істеу керектігін талқылады. Сондай-ақ бірнеше тауарлы-сүт фермасын аралады. 2025 жылдан бастап қолмен сауылған сүтті өңдеуге тыйым салатын техникалық регламент енгізілмек. Себебі еліміздегі 6 миллион тонна сүттің 2 миллионы ғана өңделеді.Серік ЕГІЗБАЕВ, ҚР ПАРЛАМЕНТІ МӘЖІЛІСІНІҢ ДЕПУТАТЫ, АГРАРЛЫҚ МӘСЕЛЕЛЕР КОМИТЕТІНІҢ ТӨРАҒАСЫ: Комитеттің бүгінгі отырысының қорытындысы бойынша құрылысқа жауапты министрлікке сұрақтар қоямыз. Оның үстіне бұл бағдарламаларды Үкімет атынан ұсынған министрліктің өзі уәде етті. Ең болмағанда олар мұнда өздері келеді. Олар басқа аймақтарға да барып, содан кейін шешім қабылдайды. Фарид ӘБІТАЕВ, «OHMK» ЖШС ДИРЕКТОРЫ: Ферма салып, оны малға толтырудан бөлек, кадр мәселесі бар. Екінші мәселе – жем-шөппен қамтамасыз ету. Биылғы жылы құрғақшылық жағдайында ең қиын сәт азық жетіспеушілігі екенін көрсетті, бұл шектеуші фактор болып табылады және кез келген жобаға қауіп төндіруі мүмкін.