«Ақ жол» партиясының өкілдері үгіт-насихат жұмыстарын Шымкент қаласында жалғастырды. Тұрғындармен кездесіп, саяси науқанның мән-маңызын түсіндірді.«Ақ жол» партиясының өкілдері үгіт-насихат жұмыстары аясында Шымкент қаласында автошеру өткізді. Еліміздің барлық өңірінде ақ түсті автокөліктер легі саяси ұйымның туын алып, қаланың басты көшелерімен жүріп өтті. Партия белсенділері саяси науқан уақытында осы шараны дәстүрлі өткізіп отырады. Кандидаттар кездесуді мұнан соң, Шымкент орталығындағы «Қасірет» мемориалында гүл қоюмен жалғастырды. Патриоттық әндер шырқалып, үгіт парақшалары таратылды. Сондай-ақ жиналғандардың ұсыныс-тілектерін тыңдап, партияның тұғырнамасы түсіндірілді. Жиын барысында қаладағы өзекті мәселелер көтеріліп, оны шешу жолдары талқыланды. Кандидаттар қойылған сұрақтарға жауап берді.
Жаңалықтар
