"Ақ жол" партиясы үгіт-насихат жұмыстарымен Қызылорда қаласына барды. Өңірлік кәсіпкер, шаруалар және медицина қызметкерлерімен кездесіп, сайлауалды бағдарламасын түсіндірді.Ақжолдықтар Қызылордадағы сапарын Баймұрат батыр атындағы ауылдан бастады. Халықпен кездесіп, олардың ұсыныс-пікірлерін, мазалап жүрген сұрақтарын тыңдады. Мұндағы жұртшылықтың көбі жеке шаруашылықпен айналысады. Содан соң, партия өкілдері Қызылорда қалалық ауруханасына барып, медицина қызметкерлерінің ұсыныстарын тыңдады. Мамандардың сұрақтарына жауап беріп, саяси науқанның маңызын түсіндірді. Кездесу ашық диалог форматында өтті. Нұрлыбек АМАНГЕЛДИЕВ, САЙЛАУАЛДЫ ШТАБ МҮШЕСІ: Мінекей бүгін Республикалық штабтан ҚР Парламенті мәжілісіне үміткерлер осы аймағымызға келіп, өзіміздің осы партияның бағдарламасы негізінде құрылған нақты тезистерді түсіндіріп, халықпен кездесіп жатыр. Сондай-ақ кәсіпкерлік субъектілермен оның ұжымдарымен, сол қызметкерлермен кездесіп сауалдарын тыңдап осы сайлауға белсене қатысу туралы маңыздылықтарын түсіндіріп жатыр.