«Ақ жол» партиясының өкілдері сайлауалды үгіт-насихат жұмыстарымен Тараз қаласына барды. Жергілікті отандық өндірушілердің өнімдерін көріп, оларды брендке айналдыру жолын талқылады.Ақжолдықтар жергілікті кәсіпкерлермен кездесіп, сайлауалды бағдарламасын таныстырды. Олар алдымен, аяқ киім өндіретін зауытқа барып, еңбек ұжымымен пікір алмасты. Былғары аяқ киім жасайтын мамандар партия өкілдеріне сауалдарын жолдап, қордаланған мәселелерін ашық айтты. Кандидаттар жергілікті халықпен де жүздесті. Партия бағдарламасының тетіктерін жіті түсіндірді. Мұнан соң, қаладағы металлургиялық зауыт қызметкерлерімен кездесу өткізді. «Ақ жол» партиясының өкілдері еліміздің барлық өңірін аралауды жоспарлап отыр. Азат ПЕРУАШЕВ, «АҚ ЖОЛ» ДЕМОКРАТИЯЛЫҚ ПАРТИЯСЫНЫҢ ТӨРАҒАСЫ: «Ақ жол» партиясы ұлттық кәсіпкерлердің және отандық өндірушілердің партия ретінде еңбек ұжымдарымен әрине кездесуді қалаймыз. Бұл кездесулердің екі жағы бар. Біріншіден, әрине, өзіміздің саяси бағдарламамызды, атқарған жұмысымыз туралы хабар беріп отырмыз. Екінші тарапынан, осы ұжымдардың, осы кәсіпорындардың проблемаларды және де оларға қажетті бастамаларды талқылап жатырмыз.
«Ақ жол» партиясы үгіт-насихат жұмыстарын Тараз қаласында жалғастырды
Жаңалықтар
