«Ақ жол» партиясы кілдерінің өңірлердегі үгіт-насихат жұмысы Алматыда жалғасты. Партия мүшелері ең ірі өндіріс орнын аралады. 1500-ден аса адам жұмыс істейтін компанияда ашық диалог форматында кездесу өткізіп, сайлауалды бағдарламасын таныстырды. Жұмысшыларға алдағы саяси доданың мән-маңызын түсіндірді. Содан соң партия төрағасы бастаған топ тамақ өнімдерін шығаратын ірі компаниялардың біріне ат басын бұрды. Қызметкерлердің ұсыныс-тілектерін тыңдап, сауалдарына жауап берді.Азат ПЕРУАШЕВ, «АҚ ЖОЛ» ДЕМОКРАТИЯЛЫҚ ПАРТИЯСЫНЫҢ ТӨРАҒАСЫ: Бүгін біз Алматыда еңбек ұжымдарымен кездесіп,оларға алдымен саяси бағдарламамызды түсіндіріп отырмыз. Екіншіден олардан да ұсыныстарды олар да көтеретін мәселелерді жинап отырмыз. Қазір міне қызу талқылау өтті. Маған ұнағаны біздің халқымыз, ұжымы өте белсенді екен.