«Ақ жол» партиясының халықпен кездесуі Алматы облысында жалғасты.Партия өкілдері Қонаев қаласының ел-жұртымен кездесті. Өңірдегі ірі өндіріс орындарын аралап, жұмысшылармен емен-жарқын сөйлесіп, ұсыныс-тілектерін тыңдады. Экономикалық мәселелер қызу талқыланып, сайлауалды бағдарлама аясында түсіндіру жұмыстары жүргізілді. Әлеуметтік сала мен кәсіпкерлік жайы кеңінен талқыланды. Сондай-ақ, үміткерлер қала ішін аралап, орталық базарға барды. Саудагерлермен тілдесіп, алдағы сайлау науқанының маңыздылығын түсіндірді. Азат ПЕРУАШЕВ, «АҚ ЖОЛ» ДЕМОКРАТИЯЛЫҚ ПАРТИЯСЫНЫҢ ТӨРАҒАСЫ: Біз мына кешегі күні Алматыда істесек. Енді бүгін Алматы облысына шықтық. Қонаев қаласында болдық. Қонаев қаласында өндірушілермен кездестік. Қазір міне қаланың ортасында орналасқан бір базарға кіріп шығып қаланың көше бойындағы саудагерлермен сөйлестік. Жан айқайын көрдік, тыңдадық.