Ақмола облысында 380 мың гектар пайдаланылмаған жер мемлекет меншігіне қайтарылды. Бұл туралы аймақ басшысы Ермек Маржықпаев Орталық коммуникациялар қызметінде өткен брифингте айтты. Сондай-ақ, облыста агроөнеркәсіптік кешенді дамыту бойынша жұмыстар жүргізілуде.Ел көлемінде жекелеген өнім түрлері бойынша мойынтіректің 100 пайызы, әрбір екінші мамандандырылған автомобиль, астық жинайтын комбайн, трактор, әрбір үшінші керамикалық кірпіш және үшінші килограмм алтын Ақмола облысында өндіріледі. Аймақ – негізгі аграрлы өңірлердің бірі, елдің жалпы ауыл шаруашылығы өніміндерінің 10%-ы осы өңірге тиесілі. Ауылшаруышылығы өнімінің көлемі, өткен жылға қарағанда 5,5% өсіп, 114 млрд теңгені құрады. Өңір басшысы осы мақсатта жан-жақты қолдау көрсетіліп жатқанын айтты. Ермек МАРЖЫҚПАЕВ, АҚМОЛА ОБЛЫСЫНЫҢ ӘКІМІ: Мемлекет облысымыздың Агроөнеркәсіптік кешенін қолдауға 160 млрд теңгеден астам субсидия береді. Оның 50%-ы, яғни 52 млрд теңгеге жуығы қайтарымсыз субсидия. Одан бөлек өнеркәсіпті қолдауға несиелер берілуде. Сонымен қатар дизель отыны 205 теңгемен берілуде. АӨК негізінен мемлекет тарапынан тиісті көлемде қаржыландырылады. Өңірдегі жайылым мәселесі әкімдіктің басты назарында. Қазір халыққа 400 мың гектарға жуық жер жетіспейді. Бірақ бұл үшін ведомствоаралық комиссия жұмыс істеуде. Аймақ басшысы «қазірдің өзінде жақсы нәтижелер бар» дейді. Ермек МАРЖЫҚПАЕВ, АҚМОЛА ОБЛЫСЫНЫҢ ӘКІМІ: Комиссия белсенді жұмыс істеп жатыр. Жалпы, біз 380 мың гектарға жуық жерді қайтардық. Біріншіден, бұл игермегендер, екіншіден, заңсыз рәсімделгендер. Бұл жерлерді біз тәркілеп, мемлекет кірісіне қайтардық. Көпшілігі жайылым жоқ елді мекендердің айналасында орналасқан. Ермек Маржықпаев өңірде техникалық жабдықтауға тиісті көңіл бөлінетінін атап өтті. Жыл басынан бері жергілікті агроқұрылымдар сегіз жүзден астам трактор, комбайн және басқа да ауылшаруашылық техникаларын сатып алды. Айта кетейік, күзде жиналатын астық аймақтың ғана емес, Астананың да қажеттіліктерін қамтамасыз етуге мүмкіндік береді.