Ақтөбе облысындағы №11 мектепте карантин жарияланды. Бастауыш сынып оқушысынан қызылша анықталған. Онымен қарым-қатынаста болған балалардың барлығы тексерілді. Сынып оқушыларның өзге кластағылармен араласуына уақытша тыйым салынған. Сол үшін үзіліс уақыты да бөлек белгіленді. Сақтандыру шарасы 5-қазанға дейін жалғасады. Жалпы өңірде қызылша дерті өршіп тұр. Осы уақытқа дейін 400-ге жуық адам дерт жұқтырған. Ардақ СҮЛЕЙМЕНОВА, №11 МЕКТЕП ДИРЕКТОРЫНЫҢ МІНДЕТІН АТҚАРУШЫ: Тек бір класта бізде қызылшаға байланысты карантин. Балалар сабаққа қатысады. Барлық жағдай жасалған. Желдету, кварц қосылады. Сол кабинетте әртүрлі жұмыстар жүргізіледі.