Никарагуалық 23 жастағы Шейннис Алондра Паласиос Корнехо сенбі күні кешке Сальвадорда өткен 72-ші халықаралық «Әлем аруы» байқауының жеңімпазы атанды. Астана телеарнасы бұл туралы ТАCC ақпарат агенттігіне сілтеме жасап хабарлайды. Іс-шара байқаудың YouTube арнасынан https://www.youtube.com/missuniverse көрсетілді. Екінші орынды Таиланд өкілі, 27 жастағы Аннтония Порсильд иеленді. «Әлем аруы» — жыл сайын ұйымдастырылатын халықаралық конкурс және әлемдегі ең беделді сұлулық байқауларының бірі. Биыл оған 80-нен астам елден жиналған қыздар қатысты. Шейнис Паласиос «Әлем аруы» атағын жеңіп алған Никарагуадан шыққан алғашқы әйел атанды. Ол 2000 жылғы 31 мамырда Никарагуаның Манагуа қаласында дүниеге келген. Паласиос Орталық Америка университетінде бұқаралық коммуникациялар мамандығы бойынша білім алды. Сол уақытта университет атынан волейболға қатысты. Бойы — 1,8 метр.