Әділет министрі Азамат Есқараев ОКҚ брифингінде елде алимент төлемейтіндердің саны артқанын айтты. Бұл туралы Stan.kz ақпарат агенттігі хабарлайды.Қарызға байланысты жеті мыңға жуық адамға елден шығуға тыйым салынған."Алимент бойынша борышкерлермен белсенді жұмыс жүргізіп жатырмыз, жеті мыңға жуық адамға елден шығуға тыйым салынған. "Smart ukimet" қосымшасы арқылы біз туындаған мәселелерді шешеміз", – деп түсіндірді министр . Егер алимент борышы 250 АЕК-ден (863 000 теңге) асса, мемлекет азаматты жүргізуші куәлігін пайдалану құқығынан, қызметті жүзеге асыруға арналған лицензиядан айыруға және басқа да тыйымдар салуға құқылы. Министрдің айтуынша, алимент төлемеу негізгі себептері – ресми жұмыс орны мен кірістің болмауы. Сонымен қатар олардың көбінде өндіріп алуға болатын мүлікжоқ. Бірақ материалдық жағдайы жақсы бола отырып, ақша төлеуденжалтарып, мүлкін жасыратындар да бар.