Алматыда шытырманға толы тарихи комедия «Батыр из прошлого» фильмінің алдын ала көрсетілімі болды. «Tiger Films» компаниясының кезекті туындысы көрерменнің ықыласына бөленді. Оқиға желісі бойынша 14 ғасырдың елші батыры 21 ғасырға тап болып, ұрпағын кезіктіреді. Батырды қандай сынақтар күтіп тұр? Сюжеттен көрейік.Оқиға Алтын Орда заманында елші болған Елтебер батырдың болашаққа саяхатын бейнелейді. Жаңа дәуірге тап болған батыр түрлі қиындықтарды бастан кешіреді. Басты рөлді сомдаған Олжас Әлжанов түсірілім кезінде болған қызықты сәттер мен қиындықтар жайлы айтып берді. Актер дайындыққа бірнеше ай жұмсаған. Олжас ӘЛЖАНОВ, АКТЕР: Төбелесетін сахналар көп, арнайы Қырғызстаннан шақырылған каскадерлер болды, олармен біз алдынала бойыдың бәрін дайындадық. Аттың үсітнде төбелесетін сахналар бар, ол аттармен кішкене қиындық болды. Осы кинода 20% тарихи сәттер түсірілген болатынбыз. Сол жерде менің бір сөздерім бар, болашақ ұрпағымды көрсеп екен деген сияқты, сол болашақ ұрпаққа түседі ғой. Айтары бар, болашаққа тәрбиелік мағынасы бар кинолардың, жобалардың бірі. Туынды тарихи фантастика және комедия жанрында түсірілген. Маңызды тақырыптар қозғалады, қазақы дәстүр мен ұлттық құндылықтарға мән берілген. Бұл- өткен ғасыр мен жаңа дәуірді салыстыра отырып жастарды тарихты білуге ынталандыратын туынды. Рамазан АМАНТАЙ, АКТЕР: Біздің қазіргі заманға, қазіргі уақытқа 5-6 ғасыр бұрынғы адамдардың көзқарасын суреттейтін фантастикалық фильм, айтары көп. Біздің бабаларымыздың ұрпағына айтқан сөздерін көрсететін фильм деп әдемілеп айтсақ болатын шығар. Мен бала кезде ойлайтынмын біздің бабаларымыз бізге қарап не дер екен деп, бұл фильм соны көрсететін фильм болды деп күтудемін. Мақсат-ұмытылып бара жатқан салт- дәстүрді жаңғырту, өскелең ұрпаққа әзіл арқылы салмақты ой тастау. Шолпан ҚОЖАБАЕВА, «EXPOGROUP»ХАЛЫҚАРАЛЫҚ КӨРМЕ КОМПАНИЯСЫНЫҢ БАСШЫСЫ: Бұл фильмнің маңыздылығы мен үшін ең алдымен тарихи тұлғаларды жастар қазіргі өскелеі ұрпақ білуі керек. Қай жанрда болмасын, тарихи жанрда болсын, басқа жанрда өзіміздің тарихымызды осылай дәріптеп, жарнамалап жүруіміз керек. Фильм -«Tiger Films» компаниясының 24-і туындысы. Елтебер батыр өз ғасырына қайта орала ала ма? Ұрпағына қандай мұра қалдырады? Оқиғаның немен аяқталатынын Kinopark-Kinoplexx үлкен экрандарында 21 желтоқсаннан бастап көре аласыздар.