Алматының қақ ортасында екі автобус соқтығысты. Жол апатынан 5 адам зардап шекті. Оқиға әл-Фараби даңғылындағы аялдамада болған. Қатты соққыдан қоғамдық көліктердің әйнектері сынған. Зардап шеккендер бас жарақаты, желке аймағының жұмсақ тіндерінің соғылуы диагнозымен ауруханаға жеткізілді. Барлығы тиісті тексерістен кейін амбулаторлық бақылауға жіберілді. Қазір аталған істі полиция қызметкерлері тергеп жатыр.Салтанат ӘЗІРБЕК, АЛМАТЫ қ. ПД РЕСМИ ӨКІЛІ: «Ютонг» маркалі 31-бағыттағы қоғамдық көліктің жүргізушісі, даңғылмен батыс бағытта келе жатады. Алдын ала болжам бойынша, арақашықтықты сақтамау салдарынан аялдамада тұрған 116-бағыттағы «SAZ» қоғамдық көлігімен соқтығысқан. Жол-көлік оқиғасы дерегін Бостандық аудандық ПБ-ның қызметкерлері өндіріске қабылдады. М. Жақан
Жаңалықтар
