Алматы әкімдігі Жеңіс күні қалада өтетін іс-шаралар тізімін ұсынды, деп хабарлайды El.kz ақпарат агенттігі.9 мамыр күні сағат 09:30-да ІІ дүниежүзілік соғыстағы Жеңістің 79 жылдығын мерекелеу аясында 28-панфиловшы-гвардияшылар атындағы саябақта соғыс ардагерлерінің қатысуымен Даңқ мемориалының жанында Мәңгілік алауға гүл шоқтарын қою рәсімі ресми түрде ашылады. Жеңіс күніне арналған мерекелік концерт сағат 10:00-де 28-ші панфиловшы-гвардияшылар саябағының алаңында өтеді. Қазақстандық әртістер соғыстан кейінгі жылдардағы майдан әндерін орындайды. Қалада Б. Момышұлы ескерткішіне, Т. Бигелдинов, Р. Қошқарбаев мемориалдық тақтасына, А. Молдағұлова мен М. Мәметова, С. Нұрмағамбетов ескерткіштеріне, С. Луганскийдің бюстіне, «Отан ұлдарына мәңгілік естелік» және «Отан үшін қаза тапқан батырларға мәңгілік даңқ» мемориалдарына гүл шоқтарын қою рәсімі ұйымдастырылады. Іс-шараның құрметті қонақтары Ұлы Отан соғысының ардагерлері, тыл еңбеккерлері, қоғам қайраткерлері, әскери қызметшілер және т.б. болады. Мектептер мен колледждерде әскери қызметшілердің, ардагерлердің, қатардағы азаматтардың қатысуымен тақырыптық «Ерлік сабақтары», сондай-ақ балаларды әртүрлі әскери отбасылармен таныстыру бойынша сабақтар және т.б. онлайн-форматта арнайы платформада «Ер есімі – ел есінде» («Батырларға тағзым») акция-маршы өтеді. Сондай-ақ Алматы қаласының әкімі, оның орынбасарлары мен аудан әкімдері «Ардагерлерге тағзым» қайырымдылық акциясы аясында үйде қызмет көрсететін және медициналық-әлеуметтік мекемелердегі соғыс қатысушыларын, мүгедектерін және тыл еңбеккерлерін құттықтайды. Жеңіс күніне арналған салтанатты іс-шаралар қаланың барлық аудандарында өтеді: Алатау ауданы: 7 мамыр күні сағат 11:00-де Алатау ауданы әкімдігінің алдында «Ер есімі - ел есінде» ескерткішіне гүл шоқтары қойылады. Сағат 12:00-де эстрада жұлдыздары мен шығармашылық ұжымдардың қатысуымен Атлетикалық ауыл аумағында концерттік бағдарлама. Сондай-ақ суреттер мен қолөнер көрмесі өтеді. 8 мамырда білім беру мекемелерінде мерекелік іс-шаралар және ардагерлерді үйде мерекелік себеттермен құттықтау өтеді. Алмалы ауданы: 9 мамырда сағат 12:00-де Арбатта концерттік бағдарлама өтеді. 6-8 мамыр аралығында соғыс қатысушыларын үйдегі оркестрмен құттықтау жоспарланған. Медеу ауданы: 8 мамырда сағат 09:00-ден бастап ҚР ҰҚК Шекара академиясының қатысуымен Медеу ауданында тұратын соғыс ардагерлеріне мобильді музыкалық оркестрдің шығуы жоспарлануда. 9 мамыр күні сағат 12:30-да 28 гвардияшы-панфиловшылар атындағы саябақта ауданның шығармашылық ұжымдарының қатысуымен мерекелік концерттік бағдарлама жоспарланған. Әуезов ауданы 9 мамырда сағат 11:00-де Family Park демалыс саябағында мерекелік концерт өтеді. Жетісу ауданы: 9 мамырда сағат 11:00-де Гүлдер саябағында тыл ардагерлеріне, зейнеткерлерге, аудан тұрғындарына арналған концерттік бағдарлама ұйымдастырылады, сол жерде дала асханасы болады. Наурызбай ауданы: 8 мамыр күні сағат 09:30-да Жандосов, 2 мекенжайы бойынша Ұлы Отан соғысы ардагерлерінің ескерткішіне гүл шоқтарын қою рәсімі ұйымдастырылады. Сағат 11:00-де Ұлы Отан соғысының батыры, 98 жастағы Подкользин Леонид Никитичтің үйінің алдында аудан әкімінің, Шекара қызметі басқармасының офицерлерінің және радиоэлектроника және байланыс әскери-инженерлік институтының әскери оркестрінің қатысуымен құттықтау шарасы ұйымдастырылады. 9 мамырда сағат 11:00-де Шұғыла, 347 ықш./да орналасқан амфитеатрда концерттік бағдарлама өтеді, далалық ас үй ұйымдастырылады. Сондай-ақ әскери қоян-қолтық күрес, қару-жарақ, кітаптар мен суреттер көрмесі өтеді. Түрксіб ауданы: 6 мамырда ауданның стеллалары мен мемориалдарына гүл шоқтарын қою рәсімі өтеді - Даңқ мемориалы, ҰОС-дағы кеңес халқының жеңісі, Солтүстік зираттағы Жеңіс мемориалы, Ауған ардагерлерінің алаңындағы Стелла, соғыс майдандарында қаза тапқан түлектерге арналған ескерткіш, қайтыс болған ұшқыштарды еске алу даңқы мемориалы. ҰОС ардагерлеріне үйіне барып себеттер табысталады. 9 мамырда сағат 10:00-де С.Сейфуллин атындағы саябақта көркемөнер ұжымдары, Құрлық әскерлері Әскери институтының курсанттары, десанттық-шабуылдау әскерлерінің әскери қызметшілері, № 6, № 7 мектеп, әуежай МҮ ұжымдары, «Ұлы дала әуендері» ардагерлер хорының және қонақтардың қатысуымен театрландырылған қойылымы өтеді. Бостандық ауданы: 9 мамыр күні сағат 11:00-де ҚР Тұңғыш Президенті саябағында қаланың шығармашылық ұжымдарының қатысуымен мерекелік концерт өтеді.