Алматыда Орталық Азиядағы ең үлкен кинозал ашылды. Соңғы үлгідегі озық заманауи технологиялармен жасалған кинотеатр Kinopark-Kinoplexx компаниясының 24-і және ең ауқымды жобасы. Бүгін лазерлік залдың ресми ашылуына атақты жұлдыздар, өнер және мәдениет қайраткерлері жиналды. Су жаңа кинотеатрда жарқын бейне, әсерлі аудио жүйе, үлкен әрі анық экрандар орнатылған. Ең үлкен кинозал 481 орынға арналған. Экранның биіктігі зәулім үй тәрізді 14,5 метр ал ені 25 метрді құрайды. “Еліміздің мәдени дамуы үшін бұл үлкен қадам, кинозал ойын сауықтан бөлек, мәдениет пен білім беру бағытында жұмыс жасайды” - деп бөлісті жоба президенті. Алмаз МАЛДЫБАЕВ, “KINOPARK & KINOPLEXX THEATRES” ПРЕЗИДЕНТІ: Бұл енді осы 20 жыл армандап жүрген проектіміз болатын. Алғашқы рет шетелде осы IMAX проектін көріп, осындай өз елімізде, Қазақстанымызда жасасақ деген ой болған. Енді осы Апорт компаниясы, Halyk Bank компаниясының арқасында осы проект жүзеге асыруға мүмкіндігіміз болды. Оқу министірлігімен жұмыс істейміз ол тек ойын-сауық отауы емес, негізі білім жағынан IMAX-ң көп проектіліері бар, сол жағынан біздің елімізге өте пайдалы. Ресми ашылу шарасына келген қонақтарға DC Studios-тың жаңа блокбастерінің арнайы көрсетілімі ұйымдастырылды. Сахна жұлдыздары да IMAX форматындағы фильмнің көрсетілімінен кейін өз әсерлерімен бөлісті. Тәуекел МҮСІЛІМ, АКТЕР: Мен жаңа ғана кіріп шақтым, әсер керемет. Енді анаған көзің жетпейді үстіге қараған кезде. Бұндай үлкен экранда кино көрген енді бір ерекше ләззат алатын сияқтысың. Міндетті түрде келіп, киносын қарау керек. Біздің де қазақстандық кинолар ертең болашақта IMAX-та көрметілетін болса бұл енді үлкен дәреже бізге. Kinopark 16 IMAX кинотеатрында лазерлік ең үлкен залдан бөлек, 15 жайлы зал жабдықталған. Бұл ауқымды залдың ашылуы отандық кино саласының дамуына едәуір үлесін қоспақ. Ерлан БУХАРБАЕВ, “KINOPARK & KINOPLEXX THEATRES” PR ДИРЕКТОРЫ: Біз Алматының шығыс бөлігіндеміз, қала орталығына дейін 20 шақырым. Осы ауданның тұрғындарына жоғары сапалы, ең үздік кинотеатрда сүйікті туындыларды тамашалауға бірігей мүмкіндік туды. Орта Азия аумағындағы ең үлкен IMAX лазерлік кинозалы Құлжа трактінде орналасқан. Енді қала тұрғындары мен қонақтары көпқабатты үймен тең үлкен экраннан сүйікті туындыларды тамашалауға мүмкіндік алады.
Жаңалықтар
