Алматыда пияздың бағасы жарты жылда үш жүз процентке өскен. Мұны «AMANAT» партиясы жанындағы партиялық бақылау комиссиясының мүшелері анықтады. Бүгін олар бірнеше сауда нүктесіне рейд жүргізді. Үш ай бұрын да осындай мониторинг жасалған. Содан бері «көп тауардың бағасында айтарлықтай өзгеріс жоқ» дейді комиссия мүшелері. Тек жұмыртқа мен сүт өнімдерінің құны 2-3 теңгеге өсті. Алайда сиыр етіне келетін болсақ, сапасы ең төмен түрлерінің өзі бірден 800 теңгеге қымбаттаған.Артур КОТЕНЕВ, «AMANAT» ПАРТИЯСЫ ЖАНЫНДАҒЫ ЭКОНОМИКА ЖӘНЕ КӘСІПКЕРЛІКТІ ДАМЫТУ ЖӨНІНДЕГІ КОМИССИЯ ТӨРАҒАСЫ: Қазіргі таңда алаңдататын ең үлкен мәселелердің бірі- сиыр еті болып тұр. Бұл өнімнің бағасы айтарлықтай өскен. Ұсынылған бағадан да асып, 800 теңгеге қымбаттады. Біз бұл ет ең жоғары сападағы ет емес екенін түсініп отырмыз, ал ең жоғары сападағысы сонда қанша теңге болмақ? Алайда рекордтық қымбаттау пияз бағасында. Алматылықтар қазір супермаркеттерде пиязды 329 теңгеге сатып алады. «Бағаның күрт өсуіне делдалдар кінәлі» дейді комиссия мүшелері. Артур КОТЕНЕВ, «AMANAT» ПАРТИЯСЫ ЖАНЫНДАҒЫ ЭКОНОМИКА ЖӘНЕ КӘСІПКЕРЛІКТІ ДАМЫТУ ЖӨНІНДЕГІ КОМИССИЯ ТӨРАҒАСЫ: Тұтынушылар үшін бағаны қалай арзандата аламыз? Қазір біз кәсіпкерлер басқармасымен бірлесіп ақылдасамыз, біздің басты мақсатымыз – тізбектен тиімсіз диллерлерді алып тастау және осы тауарларды сатып алатын алматылықтар үшін барынша қолайлы жағдай жасау. Ә. Пернебек