«AMANAT медиа сыйлығы - 2023»: Республикалық байқауға өтінім қабылдау жүріп жатыр

«AMANAT» партиясының бұқаралық ақпарат құралдары қызметкерлерінің кәсіби мерекесі қарсаңындағы дәстүрлі «AMANAT МЕДИА СЫЙЛЫҒЫ» байқауына өтінім қабылдау жүріп жатыр. Ашық байқауда Президент Қасым-Жомарт Тоқаевтың тікелей бастамасымен жүзеге асырылып жатқан реформалар, еңбек адамы, аймақтың өмірі мен тынысы, рухани және мәдени даму, жастардың қоғамдағы рөлі, Алаш қозғалысы, азаматтық борыш секілді тақырыптар қамтылады. Жеңімпаздар он номинация бойынша анықталмақ.Бұқаралық ақпарат құралдарының әлеуетін арттыруға бағытталған байқау жыл сайын ұйымдастырылады. Дамир Шайдаров - былтырғы жеңімпаздардың бірі. «Хабар24» телеарнасының Ақмола облысы бойынша тілшісі ретінде қатысып, «Аймақ туралы ең үздік материал» номинациясын жеңіп алды. Дамир ШАЙДАРОВ, «АЙМАҚ ТУРАЛЫ ҮЗДІК МАТЕРИАЛ» НОМИНАЦИЯСЫНЫҢ ЖЕҢІМПАЗЫ: Жайылым жетіспеушілігін көтеріп бір арнайы репортаж жасаған едік. Сол репортажымыз осы бәйгеде оза шапты. Жүлде алды. Жалпы бұл «AMANAT» медиа сыйлығы былтыр алғаш рет аймақтарды қамтыды. Биылғы қатысушыларға сәттілік тілеймін. Ал КТК арнасының журналисі Асқарбек Қазанғап «Жаңа Қазақстанды» құру туралы үздік материалы үшін жүлдегер атанған. Асқарбек ҚАЗАНҒАП, «ЖАҢА ҚАЗАҚСТАНДЫ ҚҰРУ ТУРАЛЫ ҮЗДІК МАТЕРИАЛ» НОМИНАЦИЯСЫНЫҢ ЖЕҢІМПАЗЫ: Үздік жеңімпаз Асқарбек Қазанғап деп хабарлағанда шыны керек не сенерімді, не сенбесімді білмедім. Өйткені бұл осы журналистік еңбек өтілімдегі алған алғашқы үлкен жүлдем десем болады. Осылай еңбек еленіп, бағаланып марапатталып жатса, көңілдік бір марқаятын кезі болады екен жалпы биыл байқауға қатысып жатқан барша үміткерлерге, әріптестеріме сәттілік тілеймін. Биыл да Медиа сыйлық тақырыптық бағыттар бойынша ұсынылған үздік жұмыстарға беріледі. Сондай-ақ, «AMANAT медиа сыйлығы» байқауы аясында арнайы Мағжан Жұмабаев атындағы «Сөз зергері» сыйлығы, Шерхан Мұртаза және Камал Смайылов атындағы «Телевизия үздігі» және «Белсенді азаматтық ұстанымы үшін» аталымдары бойынша арнайы сыйлықтар қарастырылған. Байқау жеңімпаздары екі бағыттағы он номинация бойынша анықталады. 1. Еліміздегі реформалар туралы үздік материал; 2. Еңбек адамы туралы үздік материал; 3. Аймақ туралы ең үздік материал; 4. Рухани-мәдени даму туралы үздік материал; 5. Жастар туралы үздік материал; 6. Алаш қозғалысы туралы үздік материал; 7. Азаматтық борыш туралы үздік материал; Өтінім қабылдау 22 мамырда басталды, 19 маусымға дейін жалғасады. Жеңімпаздар 26 маусым күні салтанатты түрде марапатталады. Биылғы байқаудың үздіктері «AMANAT» медиа сыйлығы мүсіншесі мен қаржылай сыйлыққа ие болады.