Алматыда «AMANAT» партиясының ұйымдастыруымен «Балаларымыз -аманатымыз!» республикалық қайырымдылық акциясы басталды. Мақсат -балаларды қорғау күні аясында оларды қуантып, ерекше көңіл-күй сыйлау. Шараға арнайы мамандандырылған мекемелердің 100-ге жуық тәрбиеленушісі қатысты. Балалар аниматорлармен ойын ойнап, шеберлік сабақтарын, арнайы шоуларды қамтитын ойын-сауық бағдарламаларын тамашалады. Сондай-ақ оларға балмұздақ таратылып, арнайы дастархан жайылды. Станислав Канкуров, «AMANAT» ПАРТИЯСЫ АЛМАТЫ ҚАЛАЛЫҚ ФИЛИАЛЫНЫҢ ТӨРАҒАСЫ:Шараны ұйымдастырудағы негізгі мақсатымыз- балаларды қорғау күнінің қарсаңында оларды қуанту. Қазір акцияға барлығы ел бойынша 10 мыңға жуық балалар үйінің, аз қамтылған отбасылардың балалары қатысуда. Қайырымдылық жобасы биылмен шектелмейді, жалғасады.Андрей ШИН, ҚАЛАЛЫҚ МӘСЛИХАТ ДЕПУТАТЫ:Біз еліміздің ең кішкентай тұрғындарын баларды қорғау күнімен құттықтаймыз. Осы күнді олардың есінде ерекше қалдырғымыз келеді. Қазір балалар үйіндегі он мыңнан аса балалар қамтылып отыр. Оның қатарында көп балалы отбасы балалары да бар.