«AMANAT» партиясы «Ұлы Дала» ауылдық бизнесті дамыту қауымдастығымен бірігіп, «Қарызсыз қоғам» жобасы үшін тренерлерді оқытуды бастады. Мақсат -проблемалық берешегі бар жандардың қаржылық сауатын арттыру. Аудиториямен жұмыс істеу бойынша тәжірибелік дағдыларды қалыптастыру және біліктілікті арттыру курстарын 30 бизнес-тренер аяқтады. Курс- тегін. Бір топтың оқу мерзімі - 5 күн. Мамандар 80 мыңға жуық ауыл тұрғынын қамтуды жоспарлап отыр. "Қарызсыз қоғам" жобасының алғашқы кезеңі 8 өңірде іске асырылады.Эльдар ЖҰМАҒАЗИЕВ, «AMANAT» ПАРТИЯСЫНЫҢ ХАТШЫСЫ: Қазір банкроттық деңгейде тұрған елімізде миллион жарым адам бар екен. Уақытында төлей алмай жүрген адамдардың саны 6 миллионнан асады. Сондықтан партия өзінің бір міндеті ретінде осы берешегі бар адамдарды оқытуға кірісіп жатыр. Қаржылық эксперттерді дайындауға біз кірістік. 80 адамды таңдап алып, қорытындысында 8 Қазақстанның өңіріне жібереміз. Ақмарал БЕКМҰРЗАЕВА, «ҰЛЫ ДАЛА» АУЫЛДЫҚ БИЗНЕСТІ ДАМЫТУ ҚАУЫМДАСТЫҒЫНЫҢ БАСШЫСЫ: Жобамыз ұзақ мерзімді. Біз алаяқтарға бірде-бір мүмкіндік қалмайтындай саналы қоғам құруға тырысамыз. Адамдар қаржы институттарын нақты түсініп, пирамидаларды инвестициялардан ажырата білуі керек. Жалпы, қаржылық сауаттылық – бұл кең ұғым. Адамдарға жеке бюджетін қалай басқаруға болатынын үйретеміз, олардың несиелерін қайта құрылымдау, мүлікке, шоттарға қойылған кепілді алып тастау бойынша заңгерлік кеңес береміз.
«AMANAT» партиясы қаржылық сауаттылық бойынша тренерлерді дайындауда
Жаңалықтар
