«AMANAT» партиясы республикалық сайлауалды штабының мүшелері Қарағанды облысының тұрғындарымен кездесулер өткізді. Әсіресе, экологиялық ахуал мен «Арселор Миттал Теміртаудың» мәселелеріне ерекше назар аударылды.Теміртауда экологтармен, қала белсенділерімен және өнеркәсіп кәсіпорындарының өкілдерімен өткен кездесу барысында партияның сайлауалды бағдарламасында көрсетілген экологиялық ахуалды жақсарту шаралары талқыланды. Ерлан ҚОШАНОВ, «AMANAT» ПАРТИЯСЫ РЕСПУБЛИКАЛЫҚ САЙЛАУАЛДЫ ШТАБЫНЫҢ БАСШЫСЫ: Біз жақсы бағдарлама мен жол картасын жасадық. Бұл жол картасы қайда? Бүгінде тек 30 проценті орындалды! Біз «Арселор Миттал Теміртауды» осы бағдарламаны орындауға міндеттеуіміз керек. Жыл сайын экологияға қомақты қаражат 300 млрд. бөлінеді деп айтылды. Біз ақшаның қайда кетіп жатқанын анықтауымыз керек! Осы күні РСШ мүшелері қандастармен, дәрігерлермен, фермерлермен жүздесті.