“AMANAT” партиясының белсенділері Атырау облысында су тасқынының салдарын жоюға ат салысқан сарбаздарды марапаттады. Ұлттық ұлан Орталық өңірлік қолбасшылығының 5451 әскери бөлімінің 500-ден астам жауынгері су тасқынынан зардап шеккен аудан тұрғындарына көмектесті. 1 ай бойы өзен жағаларын бекітіп, бөгет тұрғызды. Тұрғындарды қауіпсіз аумаққа көшірісіп, селден кейін көшелерді тазалады. Сондай- ақ Атырау, Құлсары секілді қауіпті ошақтарда тасқынмен күресті. “AMANAT” партиясының өкілдері ұландар мен офицерлердің құрметке лайық еңбегін жоғары бағалап, отансүйгіштіктерін ерекше атап өтті. Әскери бөлімге тұрмыстық техникалар сыйлады. Ержан ХАМИТОВ, “AMANAT” ПАРТИЯСЫ ЖАНЫНДАҒЫ “ЖАСТАР РУХЫ” ЖҚ ҚАРАҒАНДЫ ОБЛЫСТЫҚ ФИЛИАЛЫНЫҢ ТӨРАҒАСЫ: “AMANAT” партиясы 41 млн- нан астам теңге көлемінде гуманитарлық көмек жіберді. Петропавл қаласына арнайы барып Солтүстік Қазақстан облысына арнайы көмек көрсетіп келдік. Сонымен қатар біздің облыстық, қалалық аудандық мәслихат депутаттары бірдей жұмылып арнайы гуманитарлық көмек жіберді”. Өміржан ҒАБИТ, ҚР ҰЛТТЫҚ ҰЛАНЫ ОРТАЛЫҚ ӨҢІРЛІК ҚОЛБАСШЫЛЫҒЫ 5451 ӘСКЕРИ БӨЛІМІ КОМАНДИРІНІҢ ТӘРБИЕ ІСІ ЖӨНІНДЕГІ ОРЫНБАСАРЫ:“5451 әскери бөлімінің жеке құрамы Атырау облысының Атырау қаласында және Құлсары қаласында бізге қойылған тапсырма бойынша қызметтерін атқарып келді. Құлсары қаласында 120 дан астам әскери қызметші ол сол Құлсары қаласында су тасып кеткеннен кейінгі қоғамдық тәртіпті қаматасыз етуде, мародерство дейміз ғой сондайдың алдын алу жұмыстарын атқарды”.