«AMANAТ» партиясының мүшелері бір күнін жазғы тынығу-сауықтыру лагерінде өткізді. Қызылорда облысы Жалағаш ауданындағы бастауыш партия ұйымының мүшелері 7 топқа бөлініп, арқан тартып, ләңгі тепті. Балалық шақтарын еске алып түрлі ойындар ойнады.Қаншагүл МҰСТАФАЕВА, «AMANAT» ПАРТИЯСЫ ЖАЛАҒАШ АУДАНДЫҚ ФИЛИАЛЫНЫҢ АТҚАРУШЫ ХАТШЫСЫ: Партия мүшелерінде үлкен қызығушылық бар. Өйткені бала кезінде ойнады, бірақ сол ойында ұмыт болған солардың өздерінде де. Дәстүрлі ойындарымыз, ұлттық ойындарымыздың бәрі еш уақытта өзінің құнын жоймайды. Ата-бабамыздан қалдырған мұрасын ұрпаққа жеткізу біздің мақсатымыз. Партия мүшелері әдемі ойын өрнегін көрсетіп қана қоймай, балаларға ұлттық құндылықтарды дәріптеді. Тынығушыларға күбі шайқау, құрт жасау, жүн сабаудың қыр-сырын үйретті. Малдың қиына нан жауып, бауырсақ пісірді. Рухани азық алып, кітаптан оқығанын өз қолдарымен жасап көрген балалар дән риза. Шаттық ТЕМІРШЕҚЫЗЫ, «АҚТЕРЕК» ЛАГЕРІНІҢ ТЫНЫҒУШЫСЫ: Апай-ағайларымыз ұлттық өнерге үйретіп жатыр, қазақи. Мен осы лагерге келгенімен ешқашан да өкінбеймін. Бұл жақ өте қызық. Келешекте бұл маған өте қатты пайдаға жарайды деп ойлаймын.
«AMANAT» партиясының мүшелері бір күнін жазғы тынығу-сауықтыру лагерінде өткізді
Жаңалықтар
