Маңғыстаулық шаруалар өнімдерін жинай алмай отыр. Оның үстіне коммуналдық төлемдер қымбаттап кеткен. Үкімет тарапынан қолдау болмаса, шаруашылықты ары қарай жүргізу мүмкін емес дейді. «Amanat» фракциясының мүшесі, Мәжіліс депутаты Еділ Жаңбыршин тұрғындарымен кездесіп, мәселелерін тыңдады. Шешу жолдары қаралып, жауапты министрлікпен бірлесе жұмыс атқарамыз деді депутат. Еділ ЖАҢБЫРШИН, ҚР ПАРЛАМЕНТІ МӘЖІЛІСІНІҢ ДЕПУТАТЫ, «AMANAT» ФРАКЦИЯСЫНЫҢ МҮШЕСІ: Бұл жерде субсидия мәселесін қайта қарай керек сияқты. Себебі Маңғыстау басқа өңірлерге қарағанда өзгеше климаттық жағынан. Бұл жерде су тапшы, энергия көздерінің тарифтері өте жоғары. Соныдқтан осы өңірге арналған, бқл арийный аймақ. Сондықтан бұған субсидия мәселесін басқаша қарау керек. Ал Қарағанды облысындағы Қаныш Сәтпаев атындағы канал жұмысшылары жалақы көтеруді талап етуде. Каналдың жағдайы өте нашар, қондырғылардың барлығы ескірген. Айлықтың аздығынан еңбек күші жеткіліксіз. Санаулы адам тәулік бойы 22 насос станциясында су мен жарықты бақылайды. Айлығы шайлығына әрең жететін қызметкерлер «Amanat» партиясының депутаттарынан көмек сұрады. Нұрлан МҰҚАТАЕВ, Қ.СӘТПАЕВ АТЫНДАҒЫ КАНАЛ УЧАСКЕСІНІҢ БАСТЫҒЫ: Ең басты мәселе- жалақының төмендігі. 70 мың немесе одан сәл ғана жоғары. 120 мың теңге алатындар бар, бірақ ол жұмысшылар насос станциясында жұмыс істейді. Асхана жоқ, айдалада, күн сайын тіскебасар апарады, оған жалақының жартысы кетеді. Сондықтан адамдар мұнда тоқтамайды, жас мамандар келеді жалақы көтерілмеген соң кетіп қалады. Унзила ШАПАҚ, ҚР ПАРЛАМЕНТІ МӘЖІЛІСІНІҢ ДЕПУТАТЫ, «AMANAT» ФРАКЦИЯСЫНЫҢ МҮШЕСІ: «Жұмыс істейтін қызметкерлердің жалақы саясатын қайта қарау керек. Үкіметтің деңгейінде шешім қабылдау керек. Ол тек қана осы регионда ғана емес Астана қаласында су каналында да осындай сұрақ туындайды, басқа жерге барсаң да осы сұрақ туындайды.Бұл экология министрлігі, содан кейін экология минитрлігіне үлкен мәселе көтеру еңбек және әлеуметтік қамтамасыз ету министрлігі. Бұл мәселе бүгін ғана көтеріліп тұрған жоқ».