«AMANAT» партиясының Республикалық сайлауалды штабы мүшелерінің өңірлердегі сайлаушылармен кездесуі жалғасып жатыр. Бүгін аманаттықтар Шығыс Қазақстан облысына барды.Штаб мүшелері алдымен Зайсан қаласындағы аудандық көпсалалы аурухана ұжымымен кездесіп, партияның «Халықпен бірге!» сайлауалды бағдарламасындағы денсаулық сақтау саласын дамыту шараларын талқылады. Осы күні аманаттықтар Зайсан және Тарбағатай аудандарының жұртшылығымен кездесті. Жүздесуде шекаралас елдімекендердегі көлік, инженерлік және әлеуметтік инфрақұрылымды дамытуға баса назар аударылды. Ерлан ҚОШАНОВ, «AMANAT» ПАРТИЯСЫ РЕСПУБЛИКАЛЫҚ САЙЛАУАЛДЫ ШТАБЫНЫҢ БАСШЫСЫ: Алдымызда сайлау келе жатыр ғой.Сол сайлаудың алдында қазір елді аралап жүрміз. Облыстарды аралап жүрміз. Сол барған кезде бірінші кезекте, сол орталықты бір әдемі жерлерін ғана емес, ең шалғай жерлерді аралап жүрміз бірінші кезекте. Өзіміз жоспарлап осы Өскеменде басқа азаматтар жұмыс істеп жатыр. Осы міне сіздердің қалдарыңызды білейік, әңгімелесейік деп келдік. Жалпы, штаб мүшелері Шығыс Қазақстан облысындағы ардагерлерімен, кәсіпорындардың еңбек ұжымдарымен және жастарымен жүздесіп, партияның сайлауалды бағдарламасын кеңінен талқылады.