«AMANAT» партиясының Республикалық сайлауалды штабы өз жұмысын бастады. Алғашқы кездесу Түркістанда өтті. Онда рухани құндылықтар мәселесі мен ұлттық мәдениетті дәріптеу барысы сөз болды.Республикалық сайлауалды штаб басшысы Ерлан Қошанов «Халықпен бірге!» атты Сайлауалды бағдарламаны таныстырды. Ол әр облыстың, қаланың демографиялық, әлеуметтік және экономикалық ерекшелігін ескере отырып әзірленген. Ерлан ҚОШАНОВ, «AMANAT» ПАРТИЯСЫ РЕСПУБЛИКАЛЫҚ САЙЛАУАЛДЫ ШТАБЫНЫҢ БАСШЫСЫ: Үлкен саяси дода басталды. Бұл мемлекет басшысы Қасым-Жомарт Тоқаевтың қолға алған реформалардың, соның ішінде негізгі саяси институттарды жаңғыртудың ең соңғы сатысы десек те болады. Штаб мүшелері Кентау және Сауран аудандарына да барды. Онда жергілікті тұрғындармен кездесіп, өзекті мәселелерді талқылады.