Еліміз көктемгі қызыл суға дайын ба? «AMANAT»-тың Партиялық бақылау комитетінде су тасқынының алдын алу жұмыстары пысықталды. Комитет төрағасы Артур Платонов бүгінде еліміздегі 255 елді мекенді су басу қаупі бар. Бұл шамамен 127 мың үй, 700 мыңнан астам адам деп атап өтті. Ал, Төтенше жағдайлар министрлігінің дерегінше, 5 апаттық жағдайдағы және 73 жөндеуді қажет ететін су қоймасы бар. Оған қоса, қорғаныс бөгеттері, платина мен тоғандары да ескірген. Олар істен шығатын болса, халыққа зор қауіп төнеді. Былтыр 2021-2023 жылдарға жоспарланған Жол картасындағы су тасқынына қарсы 68 іс-шараның 41-і орындалмағаны анықталды.Артур ПЛАТОНОВ, «AMANAT» ПАРТИЯЛЫҚ БАҚЫЛАУ КОМИТЕТІНІҢ ТӨРАҒАСЫ: Еліміздегі 400-ден астам гидротехникалық құрылысты жөндеу қажет. Солай бола тұра, коммуналдық және жеке меншіктегі мұндай құрылыстардың басым көпшілігі жылдар бойы назардан тыс қалып келеді. Тиісінше, оларды жөндеу және жаңғырту іс-шаралары су саласын дамыту жоспарына енгізілмей қалады. Осындай құрылыстардың басым көбісі 30 жылдан астам уақыт пайдаланып келеді. Олардың 70%-тен астамының тозығы жетіп тұр. Сондықтан, олардың беріктігімен қауіпсіздік деңгейі айтарлықтай төмендеді. Су тасқынына қарсы алдын алу іс-шараларын жоспарлау, сондай-ақ оларды қаржыландыру ісінде түйткілді мәселелер бар. Юрий ИЛЬИН, ҚР ТӨТЕНШЕ ЖАҒДАЙЛАР МИНИСТРІ: Шын мәнінде біздің қызметкерлер коммуналдық қызметтің рөлін атқарып кетті. Мұндай жұмыстар төтенше жағдайлар министрлігінің функцияналдық міндетіне жатпайды. Қалыптасқан жағдайға байланысты біз өрт сөндіру қызметі, әскери бөлімдер, жедел-құтқару жасағымен бірге ауладағы тасқын суды сору жұмыстарымен айналысуға мәжбүр боламыз. Егер жергілікті атқарушы органдар арық-атызы мен су өткізуші каналдарды уақытында тазартып отырса, біз мұндай жұмыстармен бас қатырмаушы едік.