Отандық танымал әнші Алтынай Жорабаева қазіргі күйеуінің отбасы құрмай тұрып інісіне көлік алып бергенін айтты. "Ұйқым келмейді" бағдарламасына келген өнер иесі күйеуінің өзінің әнші екенін білмегенін де баяндап берді, деп жазады KAZ.NUR.KZ. "Сол еш жерде айтылмаған құпияны ашайын. Негізі ол көлікті мен емес, жолдасым алып берді (Талғат Жорабаевқа - ред.). Ол кезде біз әлі отбасы құрмағанбыз. Мен ол кезде басқа қалады жүрмін. Сөйлесіп, араласып жүрміз. Маған телефонға суретке түсіріп жібереді. Суретте уыс-уыс доллар, Талғат телефонға қарап отыр. Сөйтсем, "Мен Талғатқа көлік әпергім кеп тұр" дейді. Не үшін екенін түсінбеймін. Әлішер (әншінің күйеуі - ред.) - арғын. Талғаттың келіншегі - арғын. "Жиенім жаурап қалмасын. Көлігінің пеші бірде істеп, бірде істемейді екен" дейді", - деді Алтынай Жорабаева. Сонымен қатар Алтынай Жорабаева өзінің әнші екенін алғашында күйеуі білмегенін де ашып айтты. "Ол менің әнші екенімді де білмеді. Біреулер "Сенің әншілігіңе, ақшаңа қызыққан жігіт қой" деп ойлайды. Мейлі, сырттағы әңгіме біз қаласақ та, қаламасақ та айтылады. Ол "Сенің әке-шешең, бауырларың осындай ойда болмаса екен. Менің жағдайым өзіме жетеді" дейді. Сол кезде ол бауырларына көлік әперіп жатқан. Содан кейін Талғатқа да әперді. Бәріміз таңғалдық. Сол кезде Талғат "Осыны айтқым кеп тұр. Бірақ айтсақ, өсек болып кетеді. Сен әперді деп айтайықшы" деді", - деп әнші ағынан жарылды. Естеріңізге сала кетейік, осыдан бірнеше жыл бұрын бірінші жұбайы Сәбит Әбдіхалықовтан ажырасқан болатын. Төрт қызымен қалған әнші 2020 жылы қайта тұрмысқа шықты.
"Әнші екенімді білмеді": Алтынай Жорабаева үйленбей тұрып күйеуі қандай қамқорлық жасағанын айтты
Жаңалықтар
