Американдық Apple корпорациясының акциялары 4% - ға арзандады, деп хабарлайды Azattyq Rýhy. Бағаның төмендеуіне технологиялық алпауыт компанияға қарсы жүргізіліп жатқан бірқатар сот процестері әсер етті.Калифорниялық компанияны Мeta, Microsoft, Spotify, x әлеуметтік желісі және Tinder қосымшасы бар Match Group сотқа берді. Кәсіпкерлер iPhone өндірушісінің App Store дүкенінен тыс сатып алулар үшін 27% комиссия алу жоспарына наразы. Сондай-ақ, Apple корпорациясына қарсы сот ісін АҚШ Әділет министрлігі мен 16 штаттың билігі жүргізді. Өтініш берушілер Apple-ді елдегі смартфондар нарығын монополиялады деп айыптады.