Президент Қасым-Жомарт Тоқаев Қарағанды облысында "АрселорМиттал Теміртау" АҚ-ға қарасты Костенко атындағы шахтада болған өрт салдарынан қаза тапқан кеншілердің жақындарымен кездесу барысында компанияны “тарихтағы ең напшар компания” деп атады. Бұл туралы Stan.kz ақпарат агенттігі хабарлайды.Тоқаев көз жұмған кеншілердің туыстарына көңіл айтып, оларға тиісті көмек көрсетілетінін мәлімдеді.“Қаза тапқандар мен зардап шеккендердің отбасылары ешқандай мұқтаждық көрмеуі үшін Үкімет, әкімдік және қайырымдылық ұйымдарының алдында жан-жақты көмек көрсету міндеті тұр. Ертең бүкіл еліміз бойынша жалпыұлттық аза тұту күні жарияланады. Мен "АрселорМиттал Теміртау" компаниясымен инвестициялық ынтымақтастықты тоқтату жөнінде тапсырма бердім. Бұл мекеме Үкіметпен және кәсіпорынмен ынтымақтастық тұрғысынан біздің тарихымыздағы ең нашар компания болды. Енді кәсіпорынның өзіне қатысты шаралар қабылдау туралы ойлануымыз керек”, – деді ол. Сондай-ақ президент Басин Вадим Борисовичті "АрселорМитталдың” жаңа басшысы етіп тағайындады. “Сіздер оны білесіздер. Ол бір кездері "АрселорМитталда" жұмыс істеген. Облыс әкімінің орынбасары болды. Мен оған қайтып келіп, кәсіпорынды басқаруды тапсырамын. Кәсіпорынның қазіргі басшылығының қолынан ештеңе келмейді”, – деп қосты ол. Мемлекет басшысының айтуынша, жер астында қалған кеншілерді құтқару, зардап шеккен және қаза болған азаматтардың отбасыларына жан-жақты көмек көрсету – кезек күттірмейтін міндет “Ең алдымен, құтқару жұмыстары жүргізіледі. Екіншіден, зардап шеккендер мен медициналық көмекке мұқтаж азаматтардың нақты санын анықтауымыз керек. Үшіншіден, осы апаттан зардап шеккендердің барлығының отбасына материалдық көмек көрсетеміз. Егер қажет болса, арнайы қор ашамыз. Мұнымен өзім айналысамын”, – деді Президент. Сонымен қатар Мемлекет басшысы қазіргі уақытта кеншілердің зейнетке шығу жасына қатысты мәселе қарастырылып жатқанын айтты.
"АрселорМиттал Теміртау" тарихымыздағы ең нашар компания болды – Тоқаев
Жаңалықтар
