Астанада жасыл аумақтардың қатары артады, деп хабарлайды BAQ.KZ.Биыл елордада миллион жасыл желек (ағаштар, бұталар, көшеттер) отырғызу жоспарланып отыр. Оның 500 мыңы қалада, тағы осындай мөлшері Астананың жасыл белдеуіне отырғызылады. Жапырақты ағаштарға басымдық беріледі. Астанада биыл бір миллион ағаш пен бұта отырғызылады Елорда әкімдігі баспасөз қызметінің хабарлауынша, елорданы дамыту жөніндегі кеңесте Мемлекет басшысы бес жыл ішінде Астананы бақша қаласына айналдыруды, көпжылдық өсімдіктерді көбірек отырғызуды тапсырды. Қалада көктемгі ағаш отырғызу және «Жасыл Астана» экологиялық айлығы басталды. Астанада биыл бір миллион ағаш пен бұта отырғызылады Осылайша Абылай хан даңғылы, Қажымұқан, Петров, Болекпаев, А-105, Балталы, Алаш тас жолы және т.б. көшелерінің бойында ағаштар отырғызылды. Астанада биыл бір миллион ағаш пен бұта отырғызылады Қаланы жаппай көгалдандыру экологияны жақсартуға, қала тұрғындары үшін демалыс орындарын ашуға, елорданың климаттық жағдайын жақсартуға мүмкіндік береді. Соңғы бес жылда Астанада 2,6 миллионнан астам жасыл желек отырғызылды. Астанада биыл бір миллион ағаш пен бұта отырғызылады Сонымен қатар, «Жасыл Астана» экологиялық айлығы аясында еңбек ұжымдарының, қала тұрғындарының күшімен полигонға 555 тоннадан астам қалдық шығарылды. Саябақтар мен скверлерде жалпы ауданы 2,5 млн шаршы метрден астам аумақ жиналды. «Жасыл Астана» экологиялық айлыққа 11 мыңнан астам адам, 200-ден астам кәсіпорындар мен ұйымдар, ПИК және МИБ ұжымдары, шағын және орта бизнес субъектілері және т.б. қатысты.