Голливуд жұлдыздары Астанаға келді. Елордада халықаралық Comic Con фестивалі өтіп жатыр. Бағдарламасы бай шараның қонақтары үш күн бойы сүйікті кейіпкерлерімен жүздесе алады. Іс-шара барысында косплей байқауы да ұйымдастырылады. Оның жүлде қоры – 10 миллион теңге. Ерекше жиын туралы келесі сюжетте.Фестивальдің басты қонақтары - хедлайнерлер. Бұл әлемдік деңгейдегі актерлер, «Галактика сақшылары» жұлдыздары - Шон Ганн мен Майкл Рукер. Шара барысында жұлдыздар қонақтармен жеке сөйлесіп, естелікке қолтаңбасын береді. БЛИЦ-САУАЛНАМА: - Қандай образ сізде? - Сенгюшигами. Себебі бұл менің любимый анимем. - Иван Гелион деген анимеден. Роботтың аты - Ева-01. - Өзіңіз істедіңіз ба? - Иә. - Қанша уақыт кетті? - 1 аптадай. - Аниме кейіпкерімін. Маған қазір сөйлеу өте қиын. Бірақ әдемілігі үшін шыдауға болады. - Мен сериал "Солдат" персанажымын. «Comic Con Астана» халықаралық фестивалі екінші рет ұйымдастырылып отыр. Алғаш рет 2019 жылы өтті. Биылғы фестиваль қызыққа толы болады дейді - ұйымдастырушылар. Бексұлтан ӘБДІРАХМАНОВ, «COMIC CON АСТАНА» ХАЛЫҚАРАЛЫҚ ФЕСТИВАЛІНІҢ ДИРЕКТОРЫ: Фестивальде осы жылы өте көп қонақ бар. 60-70-тен астам шақырылған блогерлер бар. Комикс, кино тематикасына арналған, ойындар тематикасына арналған Қазақстандық, шетелдік блогер ретінде аккредитациядан өткен 200-ден астам бөлек блогерлеріміз бар. Фестивальге 70 мыңнан аса қонақ келді. Шара барысында келушілер тек шоу бағдарламаларды тамашалап қана қоймай, 3 Д форматындағы анимациялық дүниелерді үйренуге мүмкіндік алды. Наталина СЕРГЕЕВНА, «COMIC CON АСТАНА» ХАЛЫҚАРАЛЫҚ ФЕСТИВАЛІНІҢ БАС ПРОДЮСЕРІ: Біз бұл жобамен мақтанамыз. Алғаш 2019 жылы өткіздік. Арда 4 жыл өтті. Осы күнді қатты күттік. Биыл алғашқысына қарағанда көп ерекшеліктер болады. Ауқымы да кеңейді. Іс-шараның қонақтары Сергей Горошко, Александр Сетейкин, Матвей Лыков, Олег Трофим, Артем Габрельянов және Михаил Китаевты қоса алғанда, «Мажор найзағай: ойын» фильмінің авторлары болады. Олардың жанкүйерлермен кездесуі ұмытылмас сәтке айналады деп ойлаймын. Шараға әлемнің түкпір-түкпірінен 150-ден аса автор келді. Олар өз өнімдерін жарнамалап, тұсаукесерін де өткізеді. Ең бастысы, фестивальге келген жанкүйерлердің сүйікті қаһармандарының рөлін сомдап, 10 миллион теңге ұтып алуға мүмкіндігі бар.