Астанада қатты желден тұрғын үй кешендерінің бірінің қасбеті түсіп қалды, деп хабарлайды Kazinform.Оқиғаның видеосын куәгерлер түсіріп, әлеуметтік желіде жариялады. Автордың айтуынша, Төлебаев 5 мекенжайындағы «Арыстан» тұрғын үй кешенінің қасбеті жұлынған. «Астана әкімдігінен хабарлағандай, қасбеті құлаған «Арыстан» тұрғын үй кешені үшінші кезегінің 1-ші блогының құрылысын бастапқыда «Kaztelematica» ЖШС жүргізді. Кейіннен шарттық міндеттемелерді айтарлықтай бұзып, құрылыс-монтаждау жұмыстарын орындау мерзімін сақтамағандықтан, келісімшарт біржақты тәртіппен бұзылған. Нысанға техникалық тексеру жүргізілді», - деп хабарлады әкімдіктен. Ақауды жаңа мердігер «Болашақ GLN Group» ЖШС жөндейтін болды.