Астана әкімдігі масалардың санын азайту үшін сағат 21:00-ден 04:00-ге дейін дезинфекторлар саябақтарды, скверлерді және тұрғын үй аумақтарын өңдейтінін хабарлады. Квадрокоптер қамыс өскен, қол жетпейтін жерлерді өңдеу үшін пайдаланылады,-деп хабарлайды Орда кз.Сондай-ақ, қалада залалсыздандыру жұмыстарын жүргізу үшін механикалық айналмалы бүріккіштер, зиянкестермен күресетін машиналар, үлкен су қоймаларында арнайы жабдықталған қайық пайдаланылады. Айтпақшы, әкімдік биыл су қоймаларында фауна мен флораға зиянсыз биологиялық препараттар қолданылады деп сендірді. "Бұл зиянкестермен күресу шаралары толығымен жоюға емес, тітіркендіргіш жәндіктердің санын азайтуға бағытталған, өйткені олар табиғи экожүйенің ажырамас бөлігі" деп атап өтті әкімдік. Сондықтан елорда тұрғындары мен қонақтары сақтық шараларын сақтауы маңызды: • Егістік жерлерге баруды шектеу; • Өңдеу кезінде терезелерді жабу.