Елордалық ТЖД өрт сөндірушілері 80 гектар аумақта құрғақ шөптің өртенуін сөндіруді жалғастыруда, деп хабарлайды BAQ.KZ.ТЖД, «Астана Орманы» бөлімшелерінің күшімен жекелеген өрт орындарын жырту және үнемі қарауылдау жұмыстары жүргізілуде. Өртті сөндіру басталғаннан бері авиация өрт ошақтарына 149 рет көлемі 447 тонна су төкті. 20 маусым күні сағат 20.16-да Қарағанды және Ақмола облыстарының ТЖД күштері мен құралдары үйлеріне кетті. Астанада үшінші күнге созылған өрт аумағы 80 гектарға жетті ТЖ министрі Сырым Шәріпханов көрші өңірлерден келген өрт сөндірушілерге жедел ден қойғаны және елордалық өрт сөндірушілерге құрғақ шөптердің өртенуін сөндіруге көрсеткен көмегі үшін алғысын білдірді. Сөндіруге қазіргі уақытта барлығы 34 адам, 8 бірлік техника жұмылдырылды. Жергілікті жерде Өрт сөндіру штабы жұмысын жалғастыруда. Қала әкімдігі еріктілермен бірлесіп өртті сөндіруге қатысушылар үшін тамақ ұйымдастырды, - делінген хабарламада.
Жаңалықтар
