Астана қаласы Төтенше жағдайлар департаменті ауа райының қолайсыздығына байланысты өткен және қазіргі тәулікте 112 желісіне түрлі сипатта 3500-ден астам қоңырау түскенін хабарлады. Астана қаласы ТЖД бөлімшелері қала маңында авариялық-құтқару жүргізді. Онда қар құрсауынан 2 автокөлікті эвакуациялады, адамдарды қалаға жеткізді.Қазір ауа-райының нашарлауына байланысты көлік құралдарының барлық түрі үшін республикалық маңызы бар автожолдарда төрт бағыт бойынша қозғалыс жабылды: Астана-Қорғалжын, Астана-Ерейментау-Шідерті, Астана-Анар станциясы, Астана-Щучинск.ТЖД қызметкерлері жоғары өтімді техникамен қаладан шығу бағыттары бойынша патрульдеу жүргізіп жатыр. "Елорда тұрғындары мен қонақтарына қала сыртына барудан бас тарту, қырағы болу, ауа райының өзгеруі және енгізілген шектеулер туралы ақпаратты қадағалау ұсынылады", - делінген ТЖД хабарламасында. Сонымен қатар құрылыс объектілері халықты және аумақты қолайсыз ауа-райының әсерінен қорғау жөнінде қосымша шаралар қабылдасын деді департамент.