Атырау қаласының Полиция басқармасы тасқын су туралы жалған ақпарат таратқан адамды жауапкершілікке тартты, деп хабарлайды BAQ.KZ.Атырау қаласын су басуы туралы жалған аудиожазба таратқан ер адамға ҚР ӘҚБК-нің 456-2 бабына сәйкес айыппұл салынды. Еске сала кетейік, БАҚ-ы мен әлеуметтік желілерді пайдалана отырып, жалған ақпарат таратқаны үшін жауапкершілік, соның ішінде, қылмыстық жауапкершілік қаралған. Тұрғындарды тек Атырау облысының жедел штабы таратқан ресми ақпаратқа сенуге шақырады.